Ilinniartunngortut ataatsimuualaartarneri ataatsimuulersitsisarput
Ukioq manna isigiarsuttunut arsaannissap, ringbind-it atorlugit illuikkiullaqqinneqqusaannissallu saniatigut qaneq, qingaq kiisalu sianiutit sinneri atorlugit ullumi tallimanngornermi rusrally-ttoqarnissaani - tassa ilinniartut ataatsimuualaarnissaani - aliikkutaralugit unammisoqassapput.
Aaqqissuussineq ingerlanneqalerpat ilinniarfimmiut tamarmik, tassa ilinniartunngorlaat, ilinniartutoqqat ilinniartitsisullu akulerussuutsinneqassapput, taamaasiortoqarpallu ilinniarfimmiut ilisarisimasariilerlutik ataqatigiinnerulernissaat anguneqarniassaaq.
- Siornatigut taamatut aaqqissuussisarnivut iluatsilluartarsimaqaat. Tassami aallarterlaajulluni ittuukujuttarneq atugaasarmat qeratarujuttariaarukkaangata ilinniartut iluaqutigisaqaat. Tassa atuakkanut taarsiullugit misigisassat quianarsinnaasut periarfissaasarput, asulu illarnartarsuaqalutik. Taamaammat ilinniartut atuarnerinnaanngitsunik misigisaqartinneqaraangata iluaqutigisaqaat, Per Thomsen, Niuernermik Ilinniarfimmi ilinniartitsisoq taama unnersiorpoq.
Rusrally, tassa ataatsimuualaarneq naggaserneqarpat ilinniartut ilinniartitsisullu tamarmik ataatsimuualaassapput unamminerillu eqqumiilluinnartut unammissutigineqassallutik.
- Taakku unamminerit ingerlanneqalerpata uagut ilinniartitsisuusugut ajorsarnissarput ajoraluartumik pisussaaffigaarput, Per Thomsen illalaarujussuallaatigaluni taama oqarpoq.