Ilinniartunik ulloqartitsineq ministeriunermit peqataaffigineqassaaq
Ullormi tassani peqataasussat allat tassaapput Savalimmiuni naalakkersuisut siulittaasuat Kaj Leo Johannesen aamma Atlantikup Avannaani Suleqatigiit ilaasortaatitaat marluusut Høgni Hoydal aamma Sofia Rossen, Juliane Henningsenimut paarlattaasoq.
Taakkua saniatigut folketingimut ilaasortat Line Barfod Enhedslistemeersoq, Radikalit siulittaasuat Margrethe Vestager aamma SF-imeersoq Anne Grethe Holmsgaard peqataassapput.
Inatsisartut siulittaasuat Josef Motzfeldt peqataasinnaanani nalunaarpoq, Nunatsinnut Nunatsinniillu timmisartuussinerup nalorninartoqarnera aamma Inatsisartut upernaakkut ataatsimiinnerat pissutigalugit. Inatsisartut Nunanut Allanut Sillimaniarnermullu Ataatsimiititaliaanni ilaasortat marluk aamma peqataasinnaanatik nalunaarput.
Ilinniartunik ulloqartitsinermi Atlantikup Avannaani naalakkersuinikkut pissutsit EU-mut attaveqarnermut tunngasut, Nunat Avannarliit suleqatigiinnerat kiisalu nunat Atlantikup Avannaaniittut EU-mut ilaasortaanngitsut periarfissaat ilinniartunik ulloqartitsinermi sammineqassapput.
