Ilinniartorpassuit

Inuusuttut 4000-it sinnneqartut massakkut ilinniartut aatsaat taamak amerlatigaat. Ilinniartut 2005-imi ilinniartunut sanilliullugit 34 procentit sinnerlugit amerleriarput.

Ilinniartut amerlanersaat 3400-t missaannik amerlassuseqartut Kalaallit Nunaanni ilinniagaqarfinni ilinniartuupput.

600-t missaannik amerlassusillit nunani allani ilinniartuupput, pingaartumik ilinniakkanut qaffasinneruusunut ingerlaqqinnissaminnut ilinniagaqartuullutik.

- Kalaallit Nunaanni suliffeqarfinni inuussutissarsiutinik allanilu ingerlataqartuni amerlasuuni ilinniarluarsimasunik pisariaqartitsisoqarpoq, taamaattumik ilinniarfinnut qinnuteqartut amerlanerat paasillugu nuannerpoq, Ilinnniartitaanermut Naalakkersuisoq Mimi Karlsen oqarpoq.

Ilinniarfinnut tamanut qinnuteqartartut amerlisimapput kiisalu inuussutissarsiutinut tunngaviusumik ilinniartitaanerit ilinniarnertuunngorniarfiillu akornanni oqimaaqatigiilluartoqartoq Mimi Karlsen oqarpoq.

Tamatumunnga peqatigitillugu amerlanerusut assersuutigalugu atuarfimmi ilinniartitsisutut, isumaginninnermi perorsaasutut peqqissaasutullu ilinniartitaanermik ilinnialersimasut, Naalakkersuisunut ilaasortaq Mimi Karlsen oqarpoq.