Ajornartorsiutit pinngortarput, ilinniartitsisut taamatut atuartitsivinni piginnaasaqarfiginngisaminni atuartitsinissamut pinngitsaalineqaraangata, IMAK-ip sinniisoqarfiata Iluliassani ataatsimiinnerani tamanna erserpoq.
Atuarfiit atuarfiillu pisortaat IMAK-ip kaammattorpai atuartitsivissanik agguaanermi ilinniartitsisut atuartitsivimmut itisiliisinnaassusaat piginnaasaallu pingaarnertut inisseqqullugit, alloriarfimmi ataasiinnarniitinnerat pinnagu. Ilinniartitsisummi piginnaasaqarfiginngisaminni atuartitsinissamut pinngitsaalineqaraangata, atuartitsinerup nuannissusaa, suliamillu nuannarinninneq, samunga ilineqartarput, tamannalu atuartitsinermut sunniuteqartarluni. Taamaammat ilinniartitsisutut atuilluarneq atorneqaqqullugu IMAK kaammattuivoq, sunut tamanut atorneqarneq pinnagu.