Ilinniartitsisut nutaat naammassipput
Kalaallit Nunaat ilinniartitsisunik qulinik ullumi pisuunnguallappoq.
Allattoq Jaaku Lyberth
Ilinniartitsisutut naammassisut qulit Ilinniarfissuarmi ullumi allagartartaassapput, taakkunannga arfineq-marluk najugaq qimannagu ilinniarput, pingasut Nuummi Ilinniarfissuarmi ilinniartut. Taamaasillutik ilinniartitsisutut allagartartaartut katillugit 32-t Ilinniarfissuarmi ukiormanna naammassipput.
Ilinniartitsisutut naammassisartut agguaqatigiisinnerat ukiormanna qaffasinnerusoq, Ilinniarfissuup pisortaa Dorthe Korniliussen oqarpoq, ilinniaritsitsisunngorlaat Kalaallit Nunaanni atuarfeqarfinni atorfissaqartinneqarput.
- Ilinniartitsusut allagartatik tiguniariarlugit atorfinissapput, Dorthe Korniliussen oqarpoq.