Ilinniartitsisut meeqqallu Nuummi Friskolemiit qimarrapput
Atuarfiup siorna 2006-imi aggustimi aallartinneraniilli ilinniartitsisut qulit 15-illu akornanniittut atorfimminniit soraarsimapput.
Atuarfik ukiup ataatsip ingerlanerani pingasunik siulittaasoqarsimavoq. Taamatullu aamma angajoqqaat arlallit qitornatik Nuuk Internationale Friskolemiit anisillugit kommunip meeqqanut atuarfiinut piseqqissimavaat.
Sermitsiap angajoqqaat qitornaminnik friskolemiit anisitsisimasut arlallit Sermitsiap oqaloqatigai. Angajoqqaat tamarmik aterminnik taasillutik saqqummerumanngikkallarput.
-Suliassaq nuanniitsorujussuugami. Arlaqartugut inuttut tutsitsivigineqarluta iliuuseqarfigineqarsinnaanerput ersissutigaarput.
– Qitornatta atuarfimmiiginnartinnissaat illersorneqarsinnaanikuunngilaq. Atuarfik uagut piumasaqaatitsinnut naapertuuttumik ingerlasinnaanikuunngilaq.
