Ilinniartitsisut isumaginnittoqarfimmut nalunaarutiginnittarnerat kinguneqartanngitsoq
Ilinniartitsisulli inunnik isumaginnittoqarfimmut kinguneqanngitsumik nalunaarutiginnittarnerat takussaavoq. Ilinniartitsisut Meeqqat Atuarfianneersut Kattuffiata, IMAK-ip, siulersuisui taama oqarput.
DR-ip Tasiilami inunnik isumaginninnikkut ajornartorsiutit pillugit piviusulersaarutaa "Byen, hvor børn forsvinder" aallakaatinneqareersorlu IMAK-ip siulersuisui taama nalunaaruteqarput.
Atuartut sumiginnarneqartut nalunaarutigineqartaraluartut kinguneqartinneqartannginnera Kommuneqarfik Sermersuumi ilinniartitsisup piviusulersaarummi oqaluttuaraa.
AAMMA ATUARUK Kinguaassiuutitigut pinerluttuliornerit paqumigisaajunnaarsillik
Tasiilamiinnaanngitsoq, nunarpulli tamakkerlugu meeqqat inuusuttullu sumiginnarneqartartut IMAK-ip siulersuisuisa oqaatigaat:
Tasiilamiinnaanngitsoq, nunarpulli tamakkerlugu ilinniartitsisorpassuit inunnik isumaginnittoqarfimmut kinguneqanngitsumik nalunaaruteqartarneri IMAK-ip siulersuisuisa ilisimasaqarfigaat, IMAK-ip siulersuisui oqarput, nangillutillu:
- Ilinniartitsisorpassuit iliuusissaaleqisutut misigisimasarput atuartoq pillugu arlaleriarlutik nalunaaruteqaraluarlutik susoqarneq ajormat takusinnaallugulu atuartoq ajortikkiartuinnartoq
Kommunip sullissinermini qasseerpassuariarluni sumiginnaasarsimanera Kommuneqarfik Sermersuup DR-ip
piviusulersaarutaata kingorna nassuerutigaa.
AAMMA ATUARUK Politikkikkut ikioqatigiikkusunnginneq meeqqanik eqquivoq
AAMMA ATUARUK Naalakkersuisut ikiorneqarumanngillat - danskit politikerii ikiuerusupput