Ilinniartitsisussaaleqiunnaariartussaagut

Ukiut tulliuttut sisamat-tallimat ingerlaneranni ilinniartitsisussaaleqinerup annikillisinnissaa piviusorsiorpalaartumik periarfissaqartoq, ilinniartitaanermut naalakkersuisup aamma kommuneqarfiit kattuffianni siulittaasup suleqatigiissitaliaata ilinniartitsisussaaleqineq pillugu qulaajaasup nalilerpaa.

Nuna tamakkerlugu ilinniartitsisussaaleqineq qanoq annertutiginersoq suleqatigiissitap misissorsimavaa, tassunga ilanngullugit timelærerit sammineqarsimallutik. Timelæreritut atorfillit 380-iupput, taakkulu affai inorlugit amerlassuseqartut inuussutissarsiummik ilinniagaqarsimapput.

Timelærerit ilinniarteqqinnerisigut ilinniartitsisut ilinniarsimasut amigaatigineqartut ilaasa pissarsiarineqarsinnaanerat siunertaasoq, nalunaarummi atuarneqarsinnaavoq. Najugarlu qimannagu Ilinniarfissuup aaqqissugaanik ilinnialersartut suli amerlaneruleqqullugit timelærerinik pikkorissaasalernissaq siunertarineqarpoq, taamaalillutik najugaq qimannagu ilinnialernissamut piumasaqaatinik naammassinnissinnaanngornissaat ilinniarnerminnillu naammassisinnaanngornissaat anguneqassammat.