Ilinniartitsisunngorniat siunissamut isumalluarput
Ullumi ilinniartut 57-it Ilinniarfissuarmi aallartipput. Ilinniartut katersuuttarfianni, Qassimi, ilinniartut nutaat aallartilluareernikullu ataatsimoortut najuuffigaagut.
Allattoq Louise M. Kleemann
aggustip 13-at 2008 11:20
Ilinniartitsisunngorniarluni aallartittoq Looqi Geisler 34-inik ukiulik, ukiut marluk ilinniartitsisutut paarlattaareerluni ilinniarniarluni aalajangerpoq.
Ilinnialerlaap dr-ip piviusulersaarutaani ilinniartitsisut naammannginnertik pissutigalugu ilungersuanerat, pillugu ilinniartitsisunngornissani ersissutigilinnginneraa aperaarput.
- ilinniartitsisussaaaleqisuaannarpoq, tamanna aamma meeqqanut toqqissisimanangilaq, ilimanarpoq taamaattuaannassasoq, Looqi Geisler oqarpoq.
Looqi Geisler aperaarput qanga ilinniartitsisunngorniarnissani aalajangiussimaneraa, imalu akivoq:
- Siornali ilinniartitsisunngorniarnissara eqqarsaatigivara, taavalu suleqatima piukkummannga aalajangersimavunga qinnuteqarniarlunga, Looqi Geisler oqarpoq.
