Ilinniartitsisunngorniat 45-t juulli annaanniaraat

Ilinniartitsisunngorniat 45-t nunatsinni tamaneersut Juulli ullaaq manna annaanniarpaat.

Ilinniarfissuarmimi ukioq manna ilinnialersut isiginnaartitsissusiamik ulluni qulini piareersaareerlutik, Nuummi atuarfinni pingasunit 2.klassimiit 4.klassimut atuartunut 180-inut ullaaq manna nalunaaqutaq qulinut isiginnaartitsissusiarissavaat.

Pinngortitarsuup paaralugulu eriagineqarnissaa, tamattalu akaareqatigiilluta inuunissarput, isiginnaartitsissusiami "Amandap Juullisiornera"-ni qitiutinneqarpoq, Juulli taamaalinikkut annaanneqarsinnaalluni.

Isiginnaartitsissusiaq ilinniartitsisunngornianit nammineq allanneqarpoq, isiginnaartitsissusiallu tunulequtaa nammineq sanasimallugu, taalliorlutillu erinniorlutik, soorlu aamma isiginnaartitsissusiap anguniagaat atuartut atisaannut naleqquttunik nammineq atisaliorsimasut. Ilinniartitsisunngorniat tusagassiutinut nalunaarummi taama allaaserisaqarput.

Qassimi isiginnaartitsisoqassaaq, ullaap tungaanilu nalunaaqutaq qulinut tamanna pisussatut aaqqissuunneqarluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl