Ilinniartitsisunngorniartut eqqorneqassapput
Mattussineq ilinniartitsinngornianut 53-nut aasaru naammassisussanut eqquissaaq, meeqqat atuarfiini ilinniartitsusutut atorfininnissamut qinnuteqarsinnaannginnamik.
Meeqqat Atuarfianneersut Kattuffiata, IMAK-ip akissarsiat pillugit Naalakkersuisunik isumaqatiginniarnerini aaqqiagiinnginnermut ilinniartitsinngorniat aasaru naammassisussat ilanngunnialerput.
Ulla Huch ilinniartitsisutut aasaru naammassissaaq. Ilinniartitsisunngorniat allat 15-20it peqatigalugit atorfinititsinermut mattussineq pillugu qanoq iliuuseqassanerlutik ullumi oqaluuseraat.
Akerliussutsimik takutitsinissaq aqagu ingerlanneqassanersoq ilinniartitsisunngorniat ullumi oqaluuseraat.
- Inuiaqatigiiinnut takutikkusupparput qanoq inissisimanerluta, nuanniillioqaagut, Ulla Huch oqarpoq. Taakkua naalakkersuisunut apeqquteqarusupput suneqarnissartik paaserusullugu aamma qanoq pilersaaruteqarfigineqarnerlutik.
Akerliussutsimik takutitsisoqassappat tusarneqarnissartik Ulla Huchip neriuutigaa.
Ulla Huch siornatigut akerliussutsimik takutitsisunut peqataasimanngilaq taamaattorli nammineq neriuutigaa tusaaneqarumaarlutik.
Ulla Huch meeqqat atuarfianni ilinniartitsisutut allagartassani juunip 15-ani tigussavaa.
Tamatuma kingorna qanoq pisoqassanersoq naluaa.
-Immaqa aqqusinermi pisorujuuussaanga, Ulla Huch oqarpoq.
Aasaru naammassiguni atorninissimannginnini pissutigalugu inissaqassanngilaq. Maannakkut naalakkersuisut inatsisartullu qanoq iliuuseqarniarnerat utaqqineqrpoq.
IIlinniartitsisut Meeqqat Atuarfianneersut Kattuffiata, IMAK-ip, aningaasarsiat pillugit isumaqatigiinniarnernut atatillugit Naalakkesuisut sunnerumallugit nutaanik atorfinititsinermut mattussinerat aqagumiit atuutilissaaq.
Illuatungeriit isumaqatiginniarneranni akissarsiat isumaqatigiinngissutigineqarput.