Ilinniartitsissutissat nutaat ukiaru piariissapput

Suliniut tamanna piviusunngortinniarlugu, Nunatsinni suliffeqarfiit allallut innuttaasunik sullissiviit suliniuteqartunit piumaffigineqarput ikiuunnissaannik, taamaalilluni Nunatta pitsaanerusumik ilisimaneqarnerulernissaa anguniarneqarluni.

Danskit meerartaat atuartut, nittartakkakkut saaffigineqarnerunissaat anguniarneqarpoq, taamaalilluni taakku Kalaallit Nunaannut takorluugaat ullutsinnut naleqqunnerusunngortinniarneqarlutik, Københavnimi Kalaallit Illuutaat taama allappoq imalu nangillutik.

Danske børn skal blive klogere på Grønland

Det Grønlandske Hus i København vil forbedre undervisningsmateriale om Grønland

- Danmarkimi meeqqat atuartut Kalaallit Nunaat pillugu atuartsinneqarneranni, qanga pissutsit ilinniartitsissutigineqarnerusarput, soorlu naalagaaffeqatigiinnermut sanilliullugu, nannut qimmillu eqqartorneqarnerusarlutik taamaalilluni maanna piviusut eqqartorneqassanatik.

Maanna piviusut eqqartorneqarnerisigut, paasineqarsinnaavoq naalagaaffeqatigiinneq qanoq pingaaruteqartiginersoq, taamaalilluni Danmarkip Kalaallit Nunaatalu ataatsimut oqaluttuassartaa taamatullu maanna siunissarlu pillugu kalaallit namminneerlutik sutigut aalajangiisinnaanissat ilisimaneqarnerulissagaluarlutik, Københavnimi Kalaallit Illuutaat taama allappoq.