Ilinniartitsisorpassuimmi naammaginartinngilluinnarpaat, ilinniartitsisut ilaat napparsimanerarluni nalunaarmat aqutsisut ilaat isertortumik assiliaartortinneqarsimammat, taamaalillutik napparsimanerarluni nalunaartoq taanna ilumut napparsimannginnera qulaarneqarlunilu uppernarsaatissarsiniassammat, taama nutaarsiassaqartitsivik ritzau allaaserinnippoq.
- Aqutseriaaseq taamaattoq qanganisarpasippallaaqaaq kisermaassillutillu naalakkersuiniarnerulluni. Tamannalu allanngortinneqartariaqarpoq, Københavnimi Dansk Teknisk Lærerforbundimi siulittaasoq Arne Christensen taama ritzauimut issuarneqarpoq.
Ilinniartitsisut sulinerminnik unititsisut Sjællandimi Lolland-Falsterimi Bornholmimilu ilinniartitsisoqamminnit taperserneqarput.