Ilinniartitsisoq: - Ilinniartitsisooreersut atorluarneqarlik.
Nunatsinni oqaatsinik ilinniartsitsisinnaasut amigaatigineqarneri ippassaq radioavisimi sammivarput.
Kommunerisamit tapersersorluarneqaraani ilinniartitsisooreersut oqaatsinik ilinniartitsisutut ilinniarteqqinneqarsinnaasut, Uummannami Edvard Krusep atauarfiani ilinniartitsisoq, tuluillu oqaasiinik ilinniartitsisutut ilinniaqqissimasoq, Margrethe Løvstrøm Kleemann oqarpoq.
- ilinniartitsisooreersut ilinniarteqqillugit atorluarneqarsinnaapput, ilinniartut naammassisussat utaqqiinnarnagit. Nuup kommuneani ilinniartitsisutut sulinera iluatsillugu tuluttut oqaatsinik ilinniartitsisutut ilinniartitsisutut suliitigalunga ilinniarsimavunga. aningaasarsiatigut sulisarnermalu saniatigut oqilisaavigineqarnera iluaqutigalugu, Margrethe Løvstrøm Kleemann oqarpoq nangillunilu: - Ilinniartitsisooreersut taamatut periarfissiuunneqarsinnaapput, aamma siunissaq eqqarsaatigalugu imminut akilersinnaalluarpoq, Uummannami Edvard Krusep atuarfiani ilinniartitsisoq Margrethe Løvstrøm Kleemann naggasiilluni taama oqarpoq.
