Ilinniartitaanikkut siuarsaasoqassaaq
Inatsisartut aningaasanut inatsisissaattut 2006-imut naalakkersuisut siunnersuutaat naapertorlugu Ilinniartitaanermut Pisortaqarfik 29 million koruuninik amerlanerusunik aningaasaliiffigineqassaaq, tamannalu Ilinniartitaanermut Naalakkersuisumit nuannaarutigineqarpoq.
Aningaasaliineruneq akisussaaffittut tigullugu, Ilinniartitaanermut Naalakkersuisoq oqarpoq.
Ilinniartitaanerup ukiorpassuarni siuariartuuteqarpiarsimannginnera, ilaatigut iliuuseqarfigineqarniartoq, Henriette Rasmussen oqarpoq.
Kollegiat atuarfiillu aamma pitsanngorsaaffiginneqassasut, Naalakkersuisoq oqarpoq.
- Kalaallit ilinniarsimasuunerput appasippallaarpoq ilinniartullu taamaatiinnartartut sulissutigissavavut, Henriette Rasmussen erseqqissaavoq.
Ilinniartitaanermut aningaasaliissutit pillugit partiit allat sunniuteqaqataanissaminnut periarfissinneqassasut, Naalakkersuisoq oqarpoq. Siuarsaanissamullu suliniutit, soorlu ilinniartunut siunnersuisarnerit siornali aallartereersimapput.
