Ilinniartitaanermut aqutsisoqarfimmi pisortanngortoq
Aqutsisoqarfimmi nutaami, Ilinniartitaanermut Naalakkersuisoqarfiup iluani pilersinneqaqqammersumi Simon Lennert pisortanngorpoq.
Allattoq Jaaku Lyberth
Simon Lennert 51-inik ukioqartoq KANUKOKA-mi maannamut siunnersortaanertut atorfeqarpoq.
Simon Lennert Ilinniarfissuarmi ilinniartitsisutut ilinniarsimasuuvoq, taamanilu Danmarks Pædagogiske Universitet-iusimasumi qulequtaqarluni sulinermi ilinniarfiillu aaqqissugaanerannik inerisaanermik diplomitaarluni soraarummeersimalluni. Simon Lennert nunaqarfinni atuarfinni pisortaasarsimavoq aamma Sisimiuni Nalunnguarfiup Atuarfiani pisortaasimalluni.
Simon Lennertip taamaalilluni atuarfik pillugu Inatsisartut inatsisaata piviusunngortinnissaa pisortatut akisussaaffigisussanngorpaa.