Ilinniartitaaneq siunissami siuarsarneqaqqaartarialik

Ilinniartitaanermut aningaasat ukiumut 400 mio. koruunit atorneqartariaqartut aningaasaqarnikkut ingerlatsineq pillugu nalunaarummi naalakkersuisut siunniuppaat. 2005-miit 2020-mut siuariartornermut aningaasaliinermi ilinniartitaaneq pingaartinneqarnerpaasariaqartoq aningaasaqarnermut naalakkersuisup Josef Motzfeldt isumaqarpoq.

Nunatsinni inuit inersimasut 26000-t ilinniarsimanngillat, pingajorarterutaannaalu meeqqat atuarfiani naammassisimapput.

Ilinniarsimasut ikippallaarput, nunarpullu namminiileriartussappat, ilinniartitaaneq kikkut tamarmik peqataaffigisaanik siuarsarneqartariaqartoq, josef Motzfeldt oqarpoq.

Ilinniarfiit amerlanerusunik iliniartoqarnissaat sulissutigineqartariaqarsoraa, taamaaqataanillu sulisitsisut amerlanerusunik ilinniartunik suungiusartunik ilinniartoqartarnissaat aamma isumaqagisariaqarluni.

Inussutissarsiornermut naalakkersuisoqarfiup maanna sulisoqarnerup suliffinnillu pilersitsinissamut iliuusaa atorluarneqartariaqarsoraa.

Aningaasaqarnermut naalakkersuisoq Josef Motzfeldt Narsarsuarmiit aamma oqarpoq, inatsisitigut maanna periarfissaareersut tunngavigalugit qinikkat inatsartuugaluarpata kommuniugaluarpataluunniit naammassiniassallugit suliffissanik pilersitsiniartariaqartut aamma inuussutissarsiortuni innuttaasunilu.

Suliffissaaleqisoqaleraangat eqqugaasartut tassaanerarpai ilinniarsimanngitsut, taamaammat naalakkersuinermik suliaqartut tamanna iternga tikillugu suliarisariaqaraat Inuit Ataqatigiit siulittaasuat, aningaasaqarnermut naalakkersuisoq Josef Motzfeldt oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat