Ilinniartitaaneq oqaatsillu pingaartippai

Kulturimut, ilinniartitaanermut, ilageeqarnermut ilisimatusarnermullu naalakkersuisunngorpoq 27-inik ukiulik Doris Jakobsen Siumumeersoq.

Ilulissani 1978-mi inunngorpoq, 14-inik ukioqarluni 1994-imi Siumup Inuusuttumut immikkoortuani SIS-imi ilaasortanngorpoq, tamatumalu kingorna SIS ataatsimeersuarmat siulersuisuunernut ilanngulluni.

Doris Jakobsen ukiut ingerlanerini SIS-imi

Sorlammilu aamma siulittaasuusimavoq.

Doris Jakobsen 2002-mi Inatsisartunut qinigassanngortippoq qinigaallunilu. Inatsisartuniilerami Inatsisartut Ataatsimiititaliaanni arlalinni ilaasortaaffeqarsimalluni. Qinigaaffimmi qaangiuttumi siulittaasuuffigaa Ilinniartitaanermut Ataatsimiititaliaq, taassuma saniatigut Kukkunersiuinermut, Inunnik Isumaginninermut, Nunallu Avannarliit Killiit Ataatsimitaliaanni, kiisalu Inatsisartut siulittaasoqarfianni aamma ilaasortaasimalluni. Ukioq manna kommunalbestyrelsemut qinersisoqarmat Nuup kommuneani qinigassanngortippoq qinigaallunilu. Folketingimut qinersinermut aamma sassarpoq qinigaanngitsoorlunili. Siumut februaarimi ataatsimeersuarmat siulittaasup tulliata aappaattut qinigaavoq. Doris Jakobsen-ip Kultureqarnermut Ilinniartitaanermut ilageeqarnermut Ilisimatusarnermullu Naalakkersuisunngortup suummita pingaartillugit sulissutiginiarpai?

- Kukkunersiuinermut Ataatsimiititaliaq ukiut tamaasa isornartorsiugaqartarpoq aningaasanik aqutsinermut tunngassuteqartunik. Isornartorsiutigineqartartut aaqqinneqarnissaat siullerpaamik pingaartippara. Pisortafissanni kalaalinngorsaanissaq sulisoqarnikkullu nutarterinissaq inuiaqatigiinnullu paasissutissiisarnerup annerstusarneqarnissaa sulissutigissavara.