Taamatut isummernerminut aallaavigisaa tassaavoq, nunaqarfimmiut aningaasarsiorfiginnerusunut nuuttariaqarnerannik, Karl Lyberth-ip kajumissaaruteqarnera.
-Tassa siullermik una pinngitsoorneqarsinnaanngilaq,
Inuussutissarsiorsinnaanermut periarfissaqartariaqarpoq,
taama aamma inuit nammineq napatissinnaanerat qulak-keersimaneqartariaqarluni.
Taakkuinnaanngillalli:
- Inuiaqatigiinni ullumi uunga killissimalerpugut, ilinniagaqarani inuuneq artornartorujussuanngorsimalluni, taamaammallu ilinniarnissamut periarfissat aamma qulakkeersimasariaqarput, aamma piareersimanissaq Daniel Thorleifsen radioavii-simut oqarpoq.
Nangillunilu tamakku piunngippata, nunaqarfiit kingullinngoriartuinnassapput.
Tamakku qulakkeerneqarsimanngippata nunaqarfiit inueruteriataarsinnaanerlutik:
- Tassa ullumikkut killiffipput tassaniippoq, aningaasarsiorfinnut nussorarput, aamma oqaluttuarisaanermi qangaaniilli taamaassimavoq.
Nunaqarfimmiuunerup suna pitsaaqutiginerai apeqqutigineqarmat akivoq:
- Pitsaaqutai nunaqarfimmiut nammineq nalilersussavaat, toqqaannartumik oqarsinnaanngilanga suna pitsaaqutigineraa, Daniel Thorleifsen oqarpoq.