Ilinniarnissamut qinnuteqarfissaq kingulleq tassaavoq marsip aallaqqaataa
Nunatsinnilu Danmarkimiluunniit ilinniarfissarsioraanni eqqumaffigisassat arlaqarput.
Ilinniarnertuunngorniarfiit ilinniakkanut piareersaataasutut ilinniarfiusut ilagaat, ingerlaqqiffiusunullu, soorlu Ilisimatusarfik aamma Ilulissani Perorsaanermik Ilinniarfik qiortagaqarluni ingerlatsineq atuuppoq.
Ulloq qinnuteqarnissamut killigititaq aqagumut inissinneqaraluartoq ukioq tamaat qinnuteqaateqartoqarsinnaasoq, Namminersorlutik Oqartussani Ilinniagaqarnersiuteqartitsinermut immikkoortortami pisortaq Guluk Chemnitz ilisimatitsivoq.
Nunatsinni Danmarkimilu ilinniarnermi najugaqarfissatut periarfissat, aamma ilinniagaqarnersiutit assigiinngissuteqartut, Guluk Chemnitzip ersersinniarpai.
Danmarkimullu ilinniariartorniaraanni Kalaallit Illuutaannut attaveqarnissaq pingaaruteqartoq, Guluk Chemntz aamma oqarpoq.
Qinnuteqarfissaq sunngu.gl-imi aaneqarsinnaavoq.
Qinnuteqarnermilu pappiaqqat suut atorfissaqartinneqartut aamma atuarneqarsinnaalluni.
