Ilinniarnissamut periarfissakippallaarnerarpai

- Danskit kalaallit oqaasiinik ilinniarusuttut periarfissakippallaaqaat, Ilisimatusarfimmi lektori Birgitte Jacobsen oqarpoq.

Kalaalinngorsaanerup aallartinnerani qallunaat kalaallit oqaasiinik ilinniarusuttut inussiarnersumik kaammattorneqartariaqartut, Birgitte Jacobsen oqarpoq.

Qallunaat kalaallit oqaasiinik ilinniarusuttut inussiarniippaluttumik ilinniaqquinnaraluaraanni iluaqutaanngilaq, kalaallit qallunaallu ataqqeqatigiillutik suleqatigiillutik periarfissanik pilersitsisariaqarput. Kalaallit tungaanniit kalaallit oqaasiisa ilinniarneqarnissaannut aningaasaliisoqartariaqarpoq, ilinniartitsisussanut, ilinniutissanut, pikkorissartitsisarnissanullu atugassanik. Illuatungaaniit aamma qalunaat paasisariaqarpaat nassuerutigalugulu kalaallit oqaasiisa ilinniarnissaat pisariaqartoq, pikkorissarfigisinnaasalli, ilinniutissallu killeqarpallaaqaat. Oqaasiliorfiup pilersissimanera ajunngikkaluaqaaq, inuilli sulinngifeqarlutik aatsaat atuarfiup neqeroorutai atorsinnaavaat. Atuakkat ilinniutissat inerisarneqartariaqarput, pikkorissarnerillu amerlanerit nalunassutsimikkut assigiinngitsut ingerlanneqartariaqarlutik. Apeqqut politikkikkut eqqumaffigineqartariaqarpoq, sulisitsisummi sulisumik kalaallit oqaasiinik ilinniarnissaat aningaasaliiffigerusuttanngilaat suli kalaallisut ilikkaratik aallarsinnaammata, tamannalu paasineqarluarsinnaavoq. Taamaamat politikkikkut aaqqiiffigineqartumik aningaasaliiffigineqartariaqarpoq. Qallunaat ullumimiit amerlanerusut kalaallisut oqaatsinik malinnaasinnaalerpata aningaasat maanngaannarsimassanngillat.

Birgitte Jacobsen Ilisimatusarfimmi lektoritut atorfeqarpoq, eskimologi oqaasilerinerlu ilisimatusarfigisamavai ukiullu 15-it Kalaallit Nunaanni najugaqarsimalluni.