Ilinniarnertuunngorniat uniinnartarnerat misissuiffigaat

Nuummi Qeqqani ilinniarnertuunngorniarfiup ilinniartut uniinnartartorpassuit iliuuseqarfiginialerpai, ilinniartullu sooq uniinnartarnersut paasiniaaffiginiarlugu.

Ukiuni taaneqartuni ilinniarnertuunngortut procentinngorlugit.

 

 2014          2015          2016

  59%           55%           52%

Paasissutissiisut: Namminersorlutik Oqartussat. 

Nunatsinnimi ilinniarnertunngorniarfinni ilinnialertartut affaannaat naammassisarput, Nuummilu Qeqqani Ilinniarnertuunngorniarfimmi pisortaq ajornartorsiutip qaangerneqarnissaa anguniarlugu iliuuseqarniarpoq.

- Misissuititsinitta inerneri ilinniarfinni allani atorneqarsinnaammata siammarterniarparput, Mikael Enggaard KNR-imut oqarpoq.

Namminersorlutik Oqartussallu kisitsisaataat naapertorlugit 2013-imi ilinnialersut 52 procentiinnai aasaq allagartartaarlutik naammassipput.

Kisitsit taanna ukioq kingulleq appariaannarpoq. 2014-imi naammassisut ukiut pingasut siornani aallartissimasut 59 procenteriinnarpaat. 
 

Uniinnartarnermut pissutaasut misissorniarpaat

Qeqqani Ilinniarnertuunngorniarfia tamatuma kingunerisaanik siorna augustimi missuititsilluni aallartippoq tassanilu ilinniartut sooq uniinnartarnersut paasiniarneqarluni.

- Ilinniartut ilaasa suut pisariaqartittarneraat ilisimanerulissagipput neriuutigaara. Tassa ilinniartut ajornartorsiuteqartut, sanngiitsut allallu uniinnarnissaminnut ulorianartorsiortut paasisaqarfigerusullutigit, Naja Sano, inuiaqatigiilerinermik sociologitut ilinniagaqartoq oqarpoq.

Qeqqata Ilinniarnertuunngorniarfiata missuinissamik suliakkersimasaata Naja Sanop misissuinerup kingunerisaanik ilinniartut uniinnartartut ikilisinneqarnissaat neriuutigaa, taamatullumi neriuuteqarneq Qeqqani Ilinniarnertuunngorniarfiup pisortaata isumaqatigilluinnarpaa:

- Uniinnartartut nunguitsinneqarnissaat siunertaajuassaaq. Assigiinngitsunimmi peqquteqarluni naammassisinnaanngisamik ilinniagaqalernissaq isumatsialaanngilaq, Mikael Enggard oqarpoq, misissuinerullu aasamut inerneqarnissaa naatsorsuutigaa.
 

 

 

 

 

 

 

 

 

  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat