Ilinniarnertuunngorniat marluk sermersuarmi ilisimatusassapput
Paasisassarsiorluni angalaneq Amerikamiut kalaallillu suleqatigiinnissamut isumaqatigiissutaat Joint Committee najoqqutaralugu ingerlanneqarpoq.
Ilinniarnertuunngorniat marluusut Inalunnguaq Brandt Sisimiuneersoq aamma Hanne Dorph Ilulissaneersoq ukiumi atuarfiusumi tulliuttumi kemii toqqagassatut ingerlatissavaat, ilisimatusarfimmiinnerannilu sermersuarmi ilisimatusarnermi tunngavigineqartunik paasisaqarnissaat soqutiginnilersinnissaallu siunertarineqarpoq. Ilinniartut sermersuarmi ilisimatusarfimmeereerunik paasisatik misilittagarilikkatillu, uterunik ilinniaqatiminnut ingerlateqqissavaat, taamalu atuartitsinermi atorsinnaassallugit.
Ilinniartut Nunatsinneersut, Danmarkimeersut USA-meersullu Kangerlussuarmi ippassaq ullumilu piareersarput, tamatumalu kingorna sermersuarmut timmisartuunneqassallutik.
Ukiuni tulleriinni pingasuni kalaallit ilinniartut sermersuarmi ilisimatusarfimmut tikeraaqataasarput.
