Ilinniarnertuunngorniat marluk Londonimi unammeqataalerput

Avannaani Ilinniarnertuunngorniarfimmi ilinniartut marluk ulluni makkunani Londonimiipput, ilinniarnertuunngorniat allat Danmarkimeersut, Savalimmiuneersut, Norgimeersut Tuluit Nunaanneersullu peqatigalugit, qarasaasiat atorlugit uuliasiornermik unamminissaanni peqataajartorlutik.
Allattoq Lotte Holm
januaarip 30-at 2009 12:12

Londonimi Imperial Collegemi aqagu ajugaaniutivittoqassaaq. Avannaani Ilinniarnertuunngorniarfimmeersut pikkorissut marluusut, Ludvig Kleemannip aamma Henrik Møllerip nunatsinni ilinniarnertuunngorniarfimmeersut holdit allat 44-t qanittukkut ajugaaffigaat. Nunanit peqataatitaqartunit arfiniliusunit ajugaasut ajugaaniutivinnermi OilSim 2008-mik taaneqartumi maanna peqataapput.

Unamminermi ilaatigut Chevronimit aamma Maersk Oilimit tapiiffigineqartumi pineqarpoq, uuliasiortitseqatigiiffiusaarluni uuliasiorfimmik nutaamik ujaasinissaq. Peqataasut nunap sananeqaataanik nunalerinermullu tunngasunik nalunaarusiat misissuiffigissavaat, uuliasiorsinnaanermut neqerooruteqassallutik, suleqatigiinnissamut isumaqatigiissusiorlutik kiisalu qillerivissamik piukkunnarnerpaamik ujaasissallutik.

Unamminermi ajugaasut erlinnartumik tammajuitsussinneqarlutillu 8.000 koruunit missaannik akissarsitinneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq