Ilinniarnertuunngorniat atuanngitsuukulasut amerliartuinnarput

GU-mi ilinniartut ilinniarnerup nalaani atuanngitsuukulasarnertik peqqutigalugu kingullerpaamik periarfissinneqartartut illoqarfinni pingasuni GU-qarfiusuni Nuummi, Qaqortumi, Aasiannilu amerliartuinnarput.

Qaqortumi Nuummilu apersukkagut Bibi Kielsen kiisalu Pia Rosing Heilmann apeqqummut tamatumunnga assinganik akipput.

Taakku tamarmik oqarput GU-mi ilinniartut atuanngitsuukulasarnerat assigiinngitsunik peqquteqartartoq.

Ilinniartut ilinniarnerup nalaani atuanngitsuukulavallaarnertik peqqutigalugu kingullerpaamik periarfissinneqartut quppernernik 600-nik atuagassaat qaffanneqartarput nalinginnaasumik quppernerit 150-iusaraluartut.

Atuartulli kisimik eqqorneqarneq ajorput. Ilinniartut faginut tamanut soraarummiissatillugit, atuarfimmut aamma artornartaqaaq. Nuummi ilinnairtitsisut atuarfinnilu sulisut allat soraarummeertoqartillugu arfininngornerit tamaasa - allaallumi Pinsip Aappaani - atuarfimmiittariaqartussaapput. Nalileeqaasussat, censorit, sivisunerusumik illoqarfimiittariaqassapput, ilinniartut tamarmik soraarummeernissaat pisariaqarmat. Tamanna aamma aningaasanik naleqartarpoq.

- Inuiaqatigiinnut soorunami aningaasartuutit aamma kinguneqartarput. Ilinniartitsisut suliaqarnerussagunik aamma aningaasarsiaqartariaqarmata.