Ilinniarnertuunngorniat 170-it nasartaarput
Kujataani ilinniarnertuunngorniarfimmi Qaqortumiittumi ilinniartut 33-t ullaap tungaani qulinut allagartartaassapput.
Qeqqata ilinniarnertuunngorniarfiani Nuummi ilinniartut 67-it ippassaani persuarsiutigineqarput. Tassanilu aamma ilinniartut 13-it sivikillisamik ukioq ataaseq ilinniartinneqareerlutik allagartartaarlutik.
Avannaani ilinniarnertuunngorniarfimmi Aasianniittumi ilinniartut 70-it aqagu sisamanngornermi allagartartaarlutillu nasartaassapput.
Angusarissaarnerpaat aningaasartalinnik nersorniarneqartarput.
Assersuutigalugu Kujataani ilinniarnertuunngorniarfimmi angusarissaarnerpaaq 12.000 koruuninik, tullia 8.000 koruuninik pingajuallu 5.000 koruuninik Nunafondimiit akissarsitinneqartussaapput.
Tamatuma saniatigut Qaqortup kommunia ilinniartumut maligassiuisumut, ilinniartup angalanissaanut 25.000 koruuninik aningaasartalimmik akissarsititsisarpoq.
