Ilinniartitaaneq Ilinniarnertuunngorniarneq unammillernarsinnaasartoq

Oqaatsitigut pisinnaasat killeqarnerat inuttullu ajornartorsiornerit ilaatigut ilinniarnertuunngorniarnermi aporfiusinnaasartut ilagaat. 

Aja Sanimuinaq kalaallisut oqaaseqartuuvoq. Nuummi Qeqqani Ilinniarnertuunngorniarfimmi danskisut tuluttullu oqaatsit ilinniarnerani inorsartitsipput. Uteriilluni 2.g ingerlanniaraluarpaa.

 -Ordbogeqattaarlungalu taavalu sapaatip akunnera angummassinnaannanga isummanni. Taava oqarpunga ajunngilaq unikkallaanarsinnaallunga, Aja Sanimuinaq oqarpoq.  

Ilinniarnertuunngorniarfimmi 2013-imi 2014-imilu aallartittut 31,5 procentii ilinniarnertik taamaatiinarpaat. Tamannalu maanna 2.g-mi ilinniartup nammineq ilisarilluarsinnaavaa.

- Aallarteqqaaratta 27-iuvugut, maannakkullu 19-20 missaaniippugut. Taamaatiinartartut amerlaqaat, Sarah Josefsen oqarpoq. 
 

Sammisaq pillugu Qanoruumi tallimanngornermi ilanngutassiaqarumaarpoq.