Ilinniarnertuunngorniarneq nutartissaaq
Ilinniarnertuunngorniarfinnut tunngasunik aaqqissuusseqqinnissami 2009-mi aggustimi pisussami siunniunneqartut malinneqassappata taamatut ilinniarnertuunngorniarneq ingerlanneqartalissaaq. Siunnersuut aaqqissuusseqqinnissaq pillugu suleqatigiissitamit, ilinniartunik ilinniarfinnilu assigiinngitsuni ilinniartitsisunik, KIIIP-imeersumik, ilinniarfinni qullersanik, Inerisaavimmeersumillu ilaasortalimmit suliarineqarsimavoq. Pilersaarutit tamanit ilassilluarneqartut KIIIp-imiit nalunaarutigineqarpoq.
Siunnersuut malillugu ilinniarfiit tallimanik ingerlaqqiffissat sammiveqassapput – Inuiaqatigiilerineq, Pinngortitalerineq, Eqqumiitsulialerineq, Peqqissaanerlu – ingerlaqqiffissatut toqqagassat tallimaat piumaffiginarnerpaamik ilinniagaqarnerussaaq, ilinniarfimmiillu ilinniarfimmut piumaffiginarnera nikerartuussalluni, ukiup ilinniarfiup siulliup kingorna naliliinikkut akuerineqarluni ingerlanneqarsinnaasoq.
Ingerlaqqqiffigisinnaasat sapernarnerit takorloorneqarput, oqaatsinut, niuernermut, teknikkimut, pinngortitalerinermullu tunnganissaat.
Ingerlaqqiffissatut qinigassat tallimat tamarmik ataatsimik marlunnilluunniit faginik qinigassanik periarfissaqarnissaat aamma siunniunneqarpoq. Ilinniartut ukioq ataaseq atuareeraangamik illoqarfimmi tassani ingerlaqqiffigerusutaq periarfissaanngikkaangat taava illoqarfimmut allamut nuussinnaanissaa periarfissaatinniarneqarpoq.
Aasianni, Sisimiuni, Nuummi, Qaqortumilu ilinniarnertuunngorniartoqarsinnaassaaq, ullumimiit amerlanerusunik ilinniartoqarsinnaasunik.
Aaqqissuusseqqinissaq pillugu ataatsimiititaliamiit innersuussutigineqarpoq ilinniartitaaneq ilinniartup pisariaqartitaanut sumullu atornissaanut tulluarsarneqartassasoq. Ukiut tamaasa ilinniartut anguniagassinneqartassapput, ullumi aaljangersimasunik angusaqarnissamik piumasaqartarneq qimallugu. Ilinniartut atuarnissartik 100 procentimik malinnaaffigisassagaat, suliarisanillu tunniusseqqusineq piumasarineqartassapput, soorunami napparsimanerit ilinniarfimmiillu qimagussimanissat pilersaarutaareersut eqqaassanngikkaanni.
Ilinniartitsisut aamma annertunerusumik ilinniaqqissinnaanissaat siunniunneqarpoq.
Aaqqissueqqinnissamut suleqatigiissitap pilersaarutigaattaaq kingorna aaqqissueqqinnissamut suleqatigiissitap ilinniarnertuunngorniarfinni ilinniartitsisut amerlinissaat siunertaralugu aaqqissuusseqqinnissaat.
