- Periarfissamik allamik gymnasialiorfiusinnaasumik tassa ilinniarnertuunngorniarfiusinnaasumik Naalakkersuisuninngaanniit misissuivugut.
Ilinniartitaanermut naalakkersuisoq Mimi Karlsen oqarpoq.
Aasianni Nuummilu ilinniarnertuunngorniarfiit ulikkaaqqangaarmata ukiamut ilinniarnertuunngorniarlutik ilinnialerusullutik qinnuteqartut 250-it itigartinneqartariaqarsimapput.
Ilinniartitaanermut naalakkersuisoq ima oqarpoq.
- Ilinniarnertuunngorniat amerlasoorujussuummata tupaallannerput nuannersuuvoq.
Kisianni ajuusaarnartua unaavoq taama amerlatigisut itigartittariaqaratsigit.
Pilersaarutit nutaajungaarmata Ilinniartitaanermut naalakkersuisup Mimi Karlsenip Ilinniarnertuunngorniarfissaq sumi inissisimassanersoq suli oqaatigisinnaanngilaa.
Aningaasallu suminngaaniit aaneqassanersut aamma suli inissineqanngillat.
- Periarfiassat taakku misissornerani soorunami apeqqutaassapput aningaasaliisinnaaneq aamma periarfissat qanoq ittuunersut, suliaq ingerlavoq misissuivugut ilinniarnertuunngorniarfimmik allamik ilasisinnaanerluta.