Ilinniarnertuunngorniarfiit kalaalinngorsagaassappat?

Apeqqut taanna Inuusuttut Inatsisartuisa ullumi oqallisigaat.

- GU tamaat eqqarsaatigissagaanni tamakkerlugu kalaalinngorsarneqarsinnaanngilaq, kisianni assigiinngitsutigut kalaalinngorsaasoqarsinnaasoq.

Kiistaara Motzfeldt Vahl – GU-Nuuk-mi ilinniartitsisoq- ilinniarnertuunngorniarfinnilu iluarsaaqqinnissamik ataatsimiissitaliami ilaasortaasoq- oqarpoq. Iluarsaaqqinnissamik ataatsimiititaliami ilinniarnertuunngorniarfinni kalaalinngorsagaaneq aamma sulissutigineqarpoq- kisianni sunarpiaruna pineqartoq?

- Imartoorujussuuvoq oqallisissaqqissorujussuullunilu. Kisianni siullertut uanga paasisara tassaavoq ilinniarnertuunngorniarfimmi aaqqissuussaanerup Kalaallit Nunaannut tulluarsarneqarnissaa, Kiistaara Motzfeldt Vahl oqarpoq.

Qeqqani ilinniarnertunngorniarfimmi paasiniaavugut inuusuttut nammineq isumaat paaserusullugu. Paasivarpullu tamanna pillugu isumaqataavallaanngittut. Isumaqarput ullumikkut ingerlanera ajunngitsoq, ingerlariaqqiffissat aamma amerlanerit Danmarkimiikkamik.

Kiistaara Motzfeldt Vahl-li kalaalinngorsaaneq pillugu atugaqarsinnaasorivaatigut, oqarluni, pisariaqartitavut allaasut. Assersuutigaa nunalerinermut tunngasunut aamma biologimut tunngasunikilisimasaqarluarnissaq pingaaruteqartoq unnerlugu. Ilinniartitsisut tikisinneqartartut kulturitsinnik paasinninnerunissaannik kalaalinngorsaaneq imaqarsinnaasoq, Kiistaara Motzfeldt Vahl naggasiivoq.