Ilinniarnertuunngorniaq: Piniartuuneq pingaaruteqarpoq

Partii Demokraatit qinersinissamut pilersaarumminni oqariartuuteqarput tassa paasisariaqaripput piniarnermik inuussutissarsiuteqarneq nungulersoq. Inuusuttut piniarnermik inuussutissarsiuteqarnissamut soqutiginnilersinneqarnissaannik qinikkat allat isuliuteqarnerat Demokraatinit tunuarsimaarfigineqarpoq. 20-inik ukiulik Elias Nielsen piniartup ernera Nuummilu maanna ilinniarnertuunngorniartoq isumaqataanngilaq. Siullermilli aperaarput sooq angunni malillugu piniartunngorusussimannginnersoq, ima akivoq:

- Atuarfimmi malinnaalluarnikuugama taavalu Kalaallit Nunaata ineriartorneranut malinnaarusukkama ilinnialerpunga.

Elias Nielsen oqarpoq aalajangerneq tamanna nammineq pigigini angajoqqaaminillu assut tapersersorneqarsimalluni.

Elias Nielsen-ip piniartuuneq taamaattoq pingaartuunerarpaa:

- Pingaartupilussuuvoq aamma ingerlattariaqarpoq ineriartornerlu ilutigalugu piniartuuneq aamma malunnarnerusumik nutarsarneqalaartariaqaraluarpoq. Aamma piniartut massakkut tapersersorneqarpallaannginnamik, tamatumunngalu immaqa pissutaaneruvoq namminersulernissap eqqartorneqarpallaarnera.

Piniartuuneq kalaallit kulturiat tammariartuaartinneqassanngitsoq Elias nielsen isumaqarpoq.

- Siunissaqarpoq. Massakkut assigiinngitsunik tunisassiortoqartalernikuuvoq soorlu umimmaat tuttut arferillu neqaannik. Tunisassiorneq ullutsinnut aamma naleqqussarneqarsinnaagaluarppoq.

Qinikkat akornanni piniartuunerup ataannarnissaanik qularuteqartoqarnera Elias Nielsenip ima isummerfigaa:

- Isumaqarpunga poltikkerit taama isummernerat imaluunniit kajumissaarinerat kalaallinik mumisitsiniarnerusoq, isumaqarpungalu apeqqutaasoq perorsagaaneq.

Elias Nielsen taama oqarpoq. Elias Nielsen aamma oqarpoq nammineq piniartunut siunnersuisartunngornissi pilersaarutigigini.

Naalakkersuisut siulittaasuat Hans Enoksen Demokraatinut isumaqataanngilaq oqarpoq piniartut inuussutissarsiutiminnik ingerlatsinissamut nukissaqartut inuiaqatigiillu ineriartornerat inuussutissarsiummik inuiaqatigiit tunngavigisaannik naleqartariaqanngitsoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat