Ilinniarfiit pillugit paasisitsiniaaneq

Aasiannili inuusuttut ullumi (marlunngornermi) ikiorserneqarsinnaapput, ilinniarfinniimmi saqqummiiartortitat 17-it ilinniarnertuunngorniarfimmi saqqummiissapput. ilinniarnertuunngorniat ilinniartut ilinniarfiit sorliit tusagaqarfigerusunnerlugit siumut aalajangereersimavaat. Nalunaaqutarli 13.10, ataaseq qaangerlugu tanneq marluniit – nal.marlup tungaanut Aasiammiut kikkulluunniit ilinniarfiit arlaat soqutigisartik pillugu tusarniaasinnaapput.

Sisimiuni HTX-imi ilinniartunut ilinniarfiusinnaasut pillugit tallimanngorpat saqqummiisoqassaaq, Sisimiormiullu kikkulluunniit ilinniarfiit arlaat soqutigisartik pillugu sapaatiuppat tusarniaasinnaapput.

Nuummi sapaatip akunnerata tulliani, marlunngorpat pingasunngorpallu, ilinniarfiusinnaasut pillugit saqqummiisoqartassaaq, marlunngorpat ilinniarnertuunngornianut, ilinniarfiillu tamarmik pingasunngornermi kikkunnut tamanut ammassapput.

Ilinniarfiusinnaasut pillugit saqqummeeqattaartut Qaqortumi tallimanngornermi novembarip ulluisa 18-ianni tamanut ammasumik saqqummiissapput, arfininngornermilu novembarip ulluisa 19-ianni ilinniarnertuunngorniarfimmi Niuernermilu Ilinniarfimmi, Ilinniarnertuunngornianut HHX-ertunullu saqqummiisoqartassaaq.