Ilinniarfiit kattunneqartut nutaamik pisortartaartinneqarput
Kujataani Ilinniarnertuunngorniarfiup aamma Niuernermik Ilinniarfiup pisortassaat Københavnip kitaani assingusumik atorfeqarsimalluni misilittagaqarluarluni novembarip aallaqqaataani atorfinissaaq.
Steffen Lund Ishøjimi CPH WEST-imi pisortap tullersortaatut atorfeqarsimavoq, aammalu niuernermik ilinniarfiup iilinniarnertuunngorniarfiullu kattunneqarnissaannik suliaqarnermi ingerlatsisuusimalluni. Taamatullu misilittagaqarnini qularnanngitsumik ilinniarfiit kattuteqqammersut pisortaaffigisussanngorunigit atorluassavaa.
- Steffen Lundip suliassaatut siullerpaajusussaq tassaavoq ilinniarfiit marluusut kattunneqarnerini siuttuunissaq, ilinniarfiit taakku marluk ataatsimuulerlutik ingerlalernissaanik suliaqarnissaq, ilinniarfiit siulersuisuini siulittaasoq Bjørn Holm oqaluttuarpoq.