Ilinniaqqiffissanik Upernavimmi nittarsaalersut

<p>Upernavimmi suliffeqarfiit katersortarfimmi ullumi nalunaaqutaq qulingiluaniit ualikkut pingasut tungaanut tamanut saqqummiissapput.&nbsp;</p>
Assi © : KNR
Allattoq Sara K. Jakobsen
novembarip 16-at 2016 07:48

Suliffeqarfiit assigiinngitsut, soorlu Mittarfeqarfiit, Royal Arctic Line Tele Postilu Upernaviup inuusuttaanut minnerunngitsumillu ilinniaqqikkusuttunut nuna tamakkerlugu ingerlariaqqiffissat paasissutissiissutiginiarlugit saqqummersitsissapput.

- Suliffeqarfiit assigiinngitsuusussaagamik siamasillutik, taamaattumik ilinniarnerit siammasissut sammineqartussaassapput, Upernavimmi majoriami ilinniartunut siunnersorti Mathias Geisler oqarpoq.

Kingullermik taama ittumik saqqummiimmatali ukiut pingasut qaangiupput. Aaqqissuussarlu iluatsilluartoq, siunnersorti nangippoq. 

-  Ilinniaqqinniartunut nittarsaassilluarneq peqqutaalluni tigulluarneqartorujussuuvoq, taamanikkut iluatsilluartorujussuuvoq, Mathias Geisler oqarpoq.