Ilinnialerniartoq sapaatip akunningajaa inuussutissaqarsimanngilaq

- Sapaatip akunnera nerinngingajavippunga, kommunemillu ikiorumaneqarnanga. Taama oqaluttuarpoq angut inuusuttoq Nanortalimmi suliffissaaleqisuusinnarluni Nuummut atuariartortoq.

Taanna KNR-imut saaffiginnikkami sapaatip akunninngullartorlu kissartunik nerisimanani nereqqippoq.

-Atuariannginninni maanga Nuummut sapaatip akunnera kingulleq saaffiginnippunga allakkatigut aningaasaateqannginnama nerisassaqarnangalu, kisiat aallarpunga suli tutsaqanngittut.

Kaalip oqarneratuut aningaasaateqannginnami Nuummut pigami ilinniarfigilikkami faxia atorlugu Nanortalimmi socialimut saaffiginnittaraluarpoq akineqassananilu.

-Saafigisassaaleqinaraluaqaaq, maani Kommuneqarfik Sermersuumut saaffiginnikkaluarama akineqarpunga utaqqisut amerlammata aatsaat qaammat ataaseq qangiuppat sagsbehandlerimik oqaloqateqarsinnaasunga.

Kaalip aasaq manna juunip 16-ani Maniitsumi ATX-imi karakteeriminik qaffassaanini naammassivaa, ukioq ataaseq Nuummi GU-nissani siunertaralugu.

Juunillu 19-ani Nanortalimmut pigami Kaali suliffissaaleqisutut naqitsittalerpoq, ullunullu 14-nut pisartagaqalerluni. Taakkulu asaasutut taartaanermigut annaavai.

Taamaalilluni Kaalip nerisaqarpiarani sapaatip akunnera ingerlatilerpaa.

Aatsaalli Kaalip tusagassiutinut saaffiginninnerata kingorna kommune kujallermiit qisuariartoqarpoq.

Tamannalu pivoq Kaalip Knr-inmut saaggiginnereerneratigut, Knr-illu kommunemut saaffiginnereerneratiguit.

Kommune Kujallermi oqaaseqartitsiniaraluaratta inuit ataasiakkaat pillugit oqaaseqartoqarsinnaanngitsoq akineqarpugut.

Erseqqissaassutigineqarporlu ilinnilernissamut uppernarsaat pisumi utaqqineqaqqaarsimasoq.

Kaalip qanoq ateqavinnera aaqqissuisoqarfimmi ilisimavarput.