Ilinniagartuut Kattuffiat takorluuisinnaanngilaq

Politikerit isumaqatigiissutinut akuliutissappata, kingunissai takorloorsinnaanngulluinnarpakka, Ilinniagartuut Kattuffianni siulittaasup, Jens Egede Bjarnholdtip, Aningaasaqarnermut Pisortaqarfiup pisortaata Peter Beckip, sulisorisat akiliunneqarlutik angerlarsinnaanerat, isumaqatigiissutillu qanoq paasineqarnissaannik, politikerinut aalajangiisitsiniarnera pillugu oqarpoq.

- Politikerit naliliisinniarneqarnerat tusarlugu tupannarpoq. Sulisitsisut sulisartullu akornanni isumaqatigiinngittoqartillugu pissusiusoq malillugu kattuffiit sulisitsisullu akornanni isumaqatigiinngittoqarpat, taava isumaqatigiissitsiniartartunut saaffiginnittoqassaaq.

Isornartutut taasariaqarpoq, isumaqatiginninniartarfimmi akisussaasup, sulisitsisut sulisartullu akornanni pissusiusut tunulliussinnaammagit.

Jens Egede Bjarnholdt oqarpoq, nangillunilu:

- Isumaqatiginninniartarfimmut attaveqarnitsinnut tamanna akornutaassaaq. Soorunami suliani taamaattuni isumaqatiginninniartarfillu kinguneqarluartumik oqaloqatigiissinnaaneq perusunnerugaluarparput.

Massakkorpiaq isumaqatigiissitsiniarluni suliassat  arlalit aallartisarneqarput. Tassaavorlu isumaqatigiinngissuteqarnermi aqqutissaq.

Pisumi matumani aamma taama ingerlasoqartariaqaraluarpoq. Isumaqatigiissutit ataqqillugit ingerlassagutta tamanna aqqutissatuaavoq. Politikerit pisumut imaattumut akuliukkusunnissaat takorloorsinnaanngilluinnarpara, kingunissaaluunniit takorlooriarfissaqartinngilara. Jens Egede Bjarnholdt naggasiivoq.

Atorfillit Kattuffianni siulittaasoq, Erik Hammeken, Ilinniagartuut Kattuffiata siulittaasua aamma isumaqataavoq, politikerit isumaqatigiissutinik naliliisuusariaqanngitsut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat