Ilinniagartuut Kattuffiat: Ilinniagartuuneq akilersinnaavoq

Allattoq Mads Lynge
maajip 10-at 2005 06:14

Ilinniagartuut kattuffiat isumaqanngilaq peqatigiiffiup Namminerup taakkartugaatut atorfillit danskisuinnaq oqaluttut nunatsinni ajornartorsiutaasut.

Peqatigiiffiup Namminerup kalaallisuinnaq oqaasillit atorfilinnik aporfeqartarnerisa Naaminersornerullutik Oqartussanit misissorneqarnissaanik kissaateqaraluarpoq.

Ilinniagartuut kattuffianit isumaqartoqarpoq peqatigiiffiup Namminerup aallaavigisaa kukkusuusoq.

Ilinniagartuut kattuffiata siulittaasua Flemming Guntofte Nielsen oqarpoq inuiaqatigiit kalaallit danskit ilinniagartuut suli atorfissaqartikkaat.

- Kalaallit ilinniagartuut amerlanerit pissarsiariumaannarlugit ilinniagartuut allat paasisimasaqarluartut pilliutigineqartariaqanngillat, inuusuttulli eqqaasittuartariaqarput ilinniagartuuneq akilersinnaasoq, Flemming Guntofte Nielsen oqarpoq.