Ilinniagartuut allagartartaarput
Ilisimatusarfimmi ilinniartut ilinniagartuutut aqqanillit ullumi allagartartaartinneqarmata, angusiniarluni immikkut suliat nunatta namminiilivinnissaanut attuumassutilerujussuusut oqalugiaqattaartunit ersersinneqarpoq. Ilisimatusarnermi kalaallit oqaasii atorluarsinnaasut uppernarsineqarpoq.
Ilisimatusarneq ilinniartitsissutigineqalermalli ilinniartup immikkut angusiniarluni suliaqarami kalaallit oqaasii atorpai, ilinniagartoorlu kandidatinngortoq tanngassimaaqisoq Terto Kreutzmann oqarpoq, periarfissaqarluartoq kalaallit oqaasii ilisimatusarnermi atorneqarsinnaasut. Terto Kreutzmannip allaaseraa kitaani arnat atisaat, toqqarpaalu soraarummeerutissani kalaallisut allanniarlugu.
Terto Kreutzmann kaallisuinnaq allannialerami isumaqarsimagaluarpoq teorimut tunngasuni kalaallit oqaasii ajornartortaqartassasut, taamaanngilarligooq, nassuiatinillu nassaassarsiortoqarsinnaalluni. Kulturitsinnut itsarnitsanullu tunngasunik eqqartuissagaanni oqaatsitta kimii attallugit allattoqarsinnaasoq aamma paasisimanerarpaa.
Inuiaat piorsarsimassusaasalu oqaluttuarisaanerannik ilisimatusarfiani ilinniagartuunngorlaaq Terto Kreutzmann taama oqarpoq.
Ingerlatsinermi Ilisimatusarfimmi kandidatitut ilinniagartuunngorlaaq Sten Lund, nakorsap susassaqarfiani TV-mi ilisarisimaneqartoq, oqalugiarnini naggaserlugu oqarpoq ilinniarnerminut atatillugu atuumassutillit pisooqataalluinnartut ullut uummallunnangaartut qaangersinnaasimagamigit, taamalu oqartoq qaaqqusat isersimasut tamarmik ersaattaapput. Sten Lundip pisortat aqutsiviisa inuinnarnut attuumanerata pisariittariaqarnera immikkut sammivaa. Pisortaqarfiit suleqatigeriaasiat qanoq nutarterneqarsinnaanersoq aallaavigalugu inuup inuppalaassusia tunngavigalugu ingerlatseriaatsit qanoq isillugit nunatsinnut eqqukkiartuaarneqarsinnaanersut Sten Lundip allaaseraa, taamaalilluni pisortaqarfiit ingerlatsinerat inuinnarnut ilisarnarnerulernissaa pisinnaaniassammat.
Ingerlatsinermi institutimi ilinniagartuunngortoq Sten Lund taama oqarpoq. Sten Lund aamma Palle Høy
cand.scient.adm.-tut ilinniagaat taaguteqarpoq.
Kandidatinngortut saniasigut ilinniagartuut allat bachelorinngorput arfineq-pingasut.
Ilinniagartuunngortut tamarmik nunatsinni pisariaqartinneqarmata atorfissaqarluarput.
