Ilinniagaqartut suliffeqarfiliorsinnaanermik unammipput
Suliffeqarfiliorsinnaanermik unammisitsinermi ajugaasut Italiami pissartanngorniunnermi peqataassapput. Kalaallit Nunaanni ilinniarfinni unammeqataasut suleqatigiit arfineq marluk anngiunniunnermi peqataassapput.
Unammineq Sisimiuni, Nuummi Qaqortumilu ingerlanneqartussaq videokkut isiginnaarut atorlugu ingerlanneqassaaq, ajugaasullu ualeru suaarutigineqassapput.
Euopami tunisassiornermi unammisitsineq taaguuteqarpoq "European Business Games", taassumalu siunertaraa ilinniagaqartut qanoq iliorlutik suliffeqarfiliorsinnaanerat.
- Suliffeqarfinnik namminersortutut ingerlatsisinnaanermik inuusuttut piumassuseqalersinneqarnissaat siunertaavoq, Kalaallit Nunaat suliffeqarfinnik pisariaqartitsivoq, unammisitsinermilu peqataanermi ikiuussinnaagutta siunertarput angussavarput "European Business Games"-imi ataqatigiissaarisoq, Birgit Gedionsen oqarpoq.
Unammisitsinermi Kalaallit Nunaanni ajugaasut aasaru Italiap avannaanniittumut illoqarfimmut Bolzano-mukassapput, tassanilu ilinniagaqartut europameersut allat aqqanillit pissartanngorneriunneranni unammeqataassallutik.
