Ilinniagaqarnersiutit allannguutissaat isumaqatigiinngissutaapput

Ilinniagaqartut naammassilertornerunissaannik siunnersuut ilinniartunit aamma Ilisimasarfimmit isumaqatigiinngissutigineqarpoq. Ilinniagaqartut ilinniarnerminnik taamaatitsisartut amerlanerulernissaat, ilinniagartunit ermassutigineqarpoq.

Ilinniagaqarnersiutit allannguutissaat ilinniartut maannakkornit naammassinnilertornerunissaannik siunertaqarpoq.

Ilinniartut ilinniarnertik ulloq taanna aallartikkunikku aningaasatigut ajornartorsiuteqannginnissaat allannguuteqarnermi aamma siunertarineqarpoq.

Ilinniarnerit aallartinneqarnerini ilinniagaqartut aningaasatigut unammilligassaqartartut malugisinnaalluarparput.

Ilisimatusarfimmi ilinniartunut pisortaq Jorunn Maria Magnusdottir oqarpoq.

Ilinniaqarnersiutit ullumikkut qaammat naagaangat tunniunneqartarput.

Aamma atuaruk Ilinniagaqarnermusiat aallartinnermi tunniunneqartalissapput

Ilinniagaqartut ilinniarnerminnut atatillugu taarsigassarsisinnaapput  taamaalillutik ilinniarnerup aallartinnerani aningaasatigut ajornartorsiutigisarnagu tamannali  pitsaanerpaaffianiinngilaq.

- Suliassarpassuaqarpoq tamannalu nalorninartunik arlalinnik pilersitsisarpoq.  Ilinniarnerummi aallartinnerani pissutsit nutaat isummerfigineqartussaapput, Magnusdottir oqarpoq.

Allannguutissatullu siunnersuummut isumaatigiinneq tassunga killeqarpoq.

  • Ilinniartut maannakkornit naammassinnilertornerugunik iluanaaruteqarsinnaanerat  Jorunn Maria Magnusdotterip takusinnaallugu oqarpoq, taamaattorli  ilisimatusartut kattuffianni Ili Ili-mi siulittaasup tulliata Kikkik Olsenip ilinniagaqartut sivisunerusumik ilinniarnerminnik ingerlatsisut pillarneqarnissaat kukkunerusoq taanna oqarpoq.

- Allannguutissatut siunnersuut isumaqatiginngilarput, nunatsinni qaffasissumik ilinniagaqartut amerlasuut atorfissaqartinneqarput taamaattumik isumatusaarnerunngilaq  taamatut killilersuissalluni imaluunniit  ilinniartut atugaannik  ajorseriaassalluni, Ili Ili-mi siulittaasup tullia Kikkik Olsen oqarpoq.

Aamma atuaruk Nivi Ilinniagaqarnersiuteqarnermut sukaterinialertoq

 

 Kikkik Olsenip ernummatigaa, ilinniagaqartut ilinniarnerminnik taamaatitsisut amerlanerulernerannik kinguneqarnissaa, erseqqissaatigalugulu   ilinniagaqartut iliniarnerminnik sivitsuisariaqarnerminnik  pissutissaqartarsinnaammata.

Taamatut ernummateqarneq tunngavissaqanngitsoq Jorunn Maria Magnusdottir isumaqarpoq.

  • Ilinniarnermusinissamut periarfissat  annertupput ilinniartullu ikiorserneqarsinnaalluarput.

-  Nunarsuarmi nunani allani  ilinniartunut taama tapiissuteqartartigisunik ilisimasaqanngilanga,  Jorunn Maria Magnusddottir oqarpoq.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat