Ilinniagaqarneq pillugu apeqquteqaateqarput

Kalaallit Nunaanni ilinniagaqarnermut aaqqissuussinerit sorliit pilersinneqarnerminniit maannamut nutaamik nalilersuiffigineqarnikuuppat? Ilinniagaqarnermut atatillugu aaqqissuussinerit sorliit nalilersuiffigineqareeramilli nutarteriffigineqarnikuuppat sorliillu suli nalilersuiffigeqqinneqarnikuunngillat? Inatsisartut suleriaasianni § 36 imm. 1 naapertorlugu Marie Fleischer naalakkersuisunut apeqquteqaateqarpoq.

Kissaatigaa nunatsinni Piareersarfinni ataasiakkaani ilinniartitsisut ilinniatitsisutut ilinniarsimanngitsut qassit sulisorineqarnersut nassuiarneqarnissaat.

Aamma kissaatigaa meeqqat atuarfiini Piareersarfinnilu soraarummeernissanut misilitsissamut piareersarnermi ilinniarnerit aammalu qaffasissumik ilinniarnerit suuneri qassiunerilu paasissallugu.

Apeqquteqaateqarnermut tunngavigaa nunatta namminersortunngornissaanut ilinniartitaaneq tassaammat aqqutissat pingaarnersaat, taamaammat Marie Fleischerip pingaarsoraa paasissallugu pisariaqassappat sutigut aaqqiisoqarniarnersoq.