Ilinniagaqarnermusiat aallartinnermi tunniunneqartalissapput
Tamassuma siunertaraa ilinniartut ajunnginnersumik aallartittarnissat.
- Ilinniartut aallartinnermini inunnik allanik imaluunniit angajoqqaanik isumalluuteqannginnissaat allannguutissatut siunnersuummi anguniarneqarpoq.
Ilinniartitaanermut Naalakkersuisoq Nivi Olsen Demokraatit oqarpoq.
Taamaattumik ilinniartut siusinaartumik ilinniarnermusiatik tigusalissavaat soorlu suliffeqarfinni tamanna aamma atuuttoq.
Aaqqissuussineq nutaaq atuutilerpat tamanna Namminersorlutik Oqartussanut immikkut aningaasartuutaassaaq, ilinniarnerminnik aallartittut kinguninngualu taamaatittut ilinniarnermusiassatik tigoreertartussaagamikkit.
Taamaakkaluartoq ilinniarnerup aallartinneranni ilinniarnermusiaqarneq iluaqutitaqassaaq tassami ilinniartunngorlaanut qaammammi siullermi ulluinnarni pisariaqartinneqartut amigaatigineqartarmata.
Tamannalu qanoq iliuuseqarfigineqartariaqarpoq. Nivi Olsenip oqarnera naapertorlugu ilinniartut taamaatittarnerat inuiaqatigiinnut akisoorujussuuvoq. Pingaartumik ilinniarnerup aallartinnerani taamaatittartut amerlammata.
- ilinniakkaminnik allartitsisut piffissami siullermi taamaatittartut amerlasoorujussuupput, taakkualu ikilisinneqassappata ilinniartut piffissami siullermi ilinniartuunerminni allanik isumalluuteqaratik imminnut napatissinnaasariaqarput.
Ilinniakkaminnik taamaatitsisartut amerlasoorujussuupput, ilinniarfinni tamani ilinniartut affangajaat taamaatittaramik.