Ilinniagallit Nunatta siunissaa unammissutigileraat

IA-p, Ili Ilip Avalaallu Nunatta ukioq 2025-mi qanoq aaqqissugaanissaanut siunnertuuteqarlutik ilinniagaqartut unammisinnialerpaat.

Nunarput 2025-mi qanoq isikkoqassava?

Kalaallit Danmarkimi ilinniagaqartut ilisimasat pillugit Folketingimi isumasioqatigiinnissaat, Inuit Ataqatigiit ilinniartullu peqatigiiffiisa Ili Ilip Avalaallu aaqqiissugaat taama qulequtaqarpoq.

Kalaallit Danmarkimi ilinniagaqartut inuiaqatigiinni kalaallini ajornartorsiutaasunut aaqqiissutissanik tigussaasunik siunnersuuteqarnissaat siunertaavoq. Ilaatigut kalaallit ilinniagaqartut ilinniareerlutik angerlartinnissaannut aammalu sunik suliaqartinnissaannut suut pisariaqarnersut suullu aaqqitassaanersut paasisaqarfiginiarlugit taamatut isumasioqatigiisitsisoqassaaq.

Isumasioqatigiinneq unammisitsinertut ingerlanneqassaaq, inuussutissarsiutinik nunatsinni ingerlatallit ilinniartunit ullup ingerlanerani apeqquteqarfigineqartillu isumassarsianik isummersueqatigineqassallutik.

Naggataatigullu siunnersuutit, naliliisartunut inuussutissarsiutinik ingerlataqartunik aammalu politikerinik inuttaqartunut saqqummiunneqassapput.

Aaqqissuussineq Christiansborgimi septembarip 19-iani pissaaq ilinniartullu kikkulluunniit peqataanissaminnut tikilluaqqusaapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl