Ilimmarfimmi kiinnat nutaat
Ilimmarfimmi ilinniartut nutaat 166-it sisamanngornermi septembarip aallaqqaataani tikilluaqquneqarput.
Studerende (arkivfoto)
Allattoq Louise M. Kleemann
septembarip 02-at 2011 13:15
Ukioq kingulleq ilinniagaqalersut nutaat 150-iupput, taamaattumik Tine Parsip ilinniagaqalersut amerlassusiisa qaffakkiartornerat nuannaarutigaa.
Rektorip tikilluaqqusilluni oqalugiarnermini, piffissami nunap ineriartorneranut akisussaaffiit tigooqqarnerisa annertusiartorneranni, ilinniagartuunik sulisoqarnissap pisariaqartuunera naqissuserpaa. Ilisimasaqarnissaq, ilisimasanik atuisinnaaneq aammalu ilisimasanik pilersitsisinnaaneq pisariaqarput.
Ilinniartut nutaat ilinniarfinnut imatut agguataarput:
- 70-it ilinniartitsisunngorniarlutik aallartipput (januarimilu 25 decentralerlutik aallartissapput)
- 22-t oqaasilerinermut, atuakkialerinermut tusagassiuutinerinermullu ilinniarnerminnik aallartipput
- 19-it inuiaat piorsarsimassusaasalu oqaluttuarissanerannik ilinniagaqalerput
- 17-it peqqissaasunngorniarneq aallartippaat
- 14-it inuiaat piorsarsimassusaasalu oqaluttuarisaanerannik ilinniagaqalerput
- 12-it inunnik isumaginninnermut siunnersortinngorniarneq aallartippaat
- 9-t tusagassiortunngorniarneq aallartippaat
- 3-t upperisarsiornermik ilinniarlutik aallartipput.
