Ilimmarfik pillugu annonci

Sermitsiami tusaqqusaarut qupperneq iluitsoq qalipaatinik assigiinngisunik sisamanik qalipaasigaq; 15.000 koruunit qaangilaarlugit akeqarpoq, taannalu Ilimmarfiup siulersuisorigallagaasa tusaqqusaarusiussimavaat Ilimmarfiup sapinngisamik piaarnerpaamik piviusunngortinniarnissaa siunertaralugu.

Ilinniarfiit ingerlatsiviillu Ilimmarfimmut nussorneqartussaajumaartut siulersuisuutitsigallartullu  Sermiatsiami anoonceliisimapput katillugit 15.115,50-erlutik.

Isumaginninnermut siunnersortinngorniat Ilinniarfiata tungaanit isigalugu piaartumik.

Ilimmarfittaartariaqarnera ilinniarfiup pisortaata Martha Lund Olsenip tunngavilersorpaa ilinniarfimmik piorsaaffigeqqinnissaanik tamatumanilu kisimiilluni artussammagu qaffasinnerusumik ilinniarfiit illoqatigalugit ingerlariaqqinnissaq aatsaat pisinnaammat.

Ilimmarfissap siulersuisorigallagaasa siulittaasuat, Ilisimatusarfiup rektori, Ole Marquardt, oqarpoq annonciliinermikkut assigiinngitsut pingasut siunertarigitik, tassalu innuttaasut minnerunngitsumillu politikerit pasitsatsikkumallugit Ilimmarfiliornissaq pisariaqartinneqartoq, aamma Ilimmarfik ilinniaqqiffissaannartut isumaqarfigineqassanngitsoq ilinniaqqiffittut atuunnermi saniatigut pingaaruteqartussaagami kiisalu piaartumik sananeqartariaqarmat, taannalu aallaaveqarpoq ilinniarfiit qaffasinnerusut ukiuni arlalissuanngortuni atuartitsivissaaleqiuarsimammata nuttaqattaartarlutik ilami ataatsimooratilluunniit naggataatigullu annoncip politikerit aalajangiisussat tinnersarpai erseqqissumik isummeqqullugit, tassalu Ilimmarfik sanaqqullugu, Ole Marquardt oqarpoq.

Atassumit Finn Karlsen oqarpoq annonciliisimaneq pissusissamisoortoq Ilimmarfiullu sananissaa akerlerinngikkitsik, kisianni meeqqat atuarfiisa aserfallatsaalinissaat allatullu atuarfinut aningaasaliinissaq pingaartinnerugitsik meeqqat atuarfiat tunngaviusussaammat Ilimmarfiup iluameersumik ingerlanissaanut, tassa meeqqat atuarfiat tunngavigissaarpat aatsaat Ilimmarfik ingerlalluarsinnaammat, taamaattumik maanna aningaasassaaleqinermi Ilimmarfik kinguartikkallartariaqarpoq atuarfiillu ajornartorsiutaat qaangiunneruppata aatsaat sananeqartariaqarluni, Atassummmit Finn Karlsen oqarpoq.

Aningaasanut inatsisissami naalakkersuisut 100 mio. kronet Ilimmarfimmut immikkoortippaat, inatsisissallu inatsisartuni aappassaaneerneqarnera ippassaq unnukkut qulingiluat qeqqanut naammassivoq taamalu Ilimmarfik aamma nipangiunneqarallarluni, pingajussaaneerneratigulli paasinarsissaaq Ilimmarfik piaartumik sananeqalissanersoq, tassa 2007-mit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat