Ilimmarfik nutaamik pisortartaalerpoq

Ilisimatusarfimmi immikkoortortaq, Ilimmarfik, pisortartaalerpoq.

Ilisimatusarfimmi pro-rektori, pisortarlu, Uffe Jakobsen, aqagu tunuarpat, pisortap tullia, Nordregiomi sivisuumik ilisimatusarsimasoq, Klaus Georg Hansen, Ilimmarfimmi 1. januar 2013-imiit pisortanngussaaq.

Rektorili Tine Pars ukiortaap tungaanut pisortaagallassaaq.

Ilimmarfimmi pisortanngortussaq, Klaus Georg Hansen, oqaatsinut, kulturimut inuiaqatigiinnullu etnografiimi ilinniagaqartuuvoq, aamma kalaallit oqaasiinik kulturimillu ilinniarsimasuulluni. Inuiaqatigiilli kalaallit atugaannik ukiorpassuarni  aamma ilisimatusarsimavoq.

Naalagaaffimmi atorfeqarsimasutut, Nunatta Katersugaasiviani pisortaasimasutut atuagaateqarfimmilu pisortaasimanini pissutigalugit aqutsisutut misilittagaqarluartuuvoq, Ilisimatusarfimmit tusagassiuutinut allapput.