Innuttaasut Inatsisartunut kommunalbestyrelsimullu apriilip ulluisa arfernanni qinersinissaat ilimasaarutigineqarpoq.

Ilimasaarut: Apriilip ulluisa arfernanni qinersinerit marluussapput

Inatsisartunut qinersinissaq Inatsisartut ullumi marlunngornermi akuerissappassuk, kommunalbestyrelsimut ullormi tassa apriilip ulluisa arfernanni qinersiviusussami Inatsisartunut aamma qinersissaagut.

Apriilip ulluisa arfernanni, kommunalbeskyrelsimut aamma qinersiviusussami, qinersinissat marloorataannaapput.

Inatsisartunummi immikkut ittumik qinersinissamut siunnersuut Inatsisartunit ullumikkut marlunngornermi oqaluuserineqassaaq. Inatsisartunut qinersinissaq pilersaarutit malillugit aatsaat 2022-mi pisussaagaluarpoq.

Inuit Ataqatigiit, Atassut, Parti Naleraq Demokraatillu siunnersuuteqartuupput, Inatsisartunullu apriilip ulluisa arfernanni qinersisoqassasoq siunnersuutigaat.

AAMMA ATUARUK Siunnersuut takkuteqaaq: Partiit sisamat qinersisitseqqusipput

Ulluliussaq Inatsisartunut qinersinissamik piareersarnermut piffissaliussanut naapertuuttoq, siunnersuutaanni allaqqavoq.

Siunnersuut Inatsisartut ukiukkut ullumimiit ataatsimiilerunik oqaluuserisassaanni pingajuussaaq.

Qineqqusaarnermik kinguneqartussamik qinersinissamut siunnersuut akuerineqassappat, Inatsisartut ulluni qulingiluani ataatsimiinnissaanni oqaluuserisassaat tamarmik unitsinneqassapput.

Partiit qineqqusaarnermut atugassaannik saniatigut 3.750.000 koruuninik nunatta karsianit saniatigullu millionit koruunit qinersinermut atugassanik aningaasaqarnermut inatsimmiit immikkoortissasut, partiit sisamat siunnersuutaanni aamma allaqqavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat