Ilimanami takornarianut suliniut atoqqaartinneqartoq

Ilimanami illutoqqat oqaluttuassartalissuit marluk illuaqqallu persuarsiutigineqaqisumik sisamanngormat ippassaq atoqqaarfissiorneqarput.

Takornariallu isikkivigilluinnartumi takusassaaleqinavianngillat.

Ilimanamimi illutoqqat atoqqaarfissiorneqartut unnuiffissanik, ataatsimeersuartarfimmik, neriniartarfimmik sanalukkanillu pisiniarfimmik alutornartunik nutaanik neqerooruteqarsinnaalerput.

Atoqqaarfissiortitsineq Ilimanarmiut, suliniummi sanasut, aamma Realdania Bygimit, Qaasuitsup Kommunianit aamma Naalakkersuisunit tikeraat peqataaffigisaannik aaqqissuussakkut persuarsiutigineqartumik nalliussineqarpoq.

Ilimanami takornarianut suliuniutip pissanganartup nutaap atoqqaarfissiornerani Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoq Hans Enoksen peqataasoq, Naalakkersuisut tusagassiuutinut nalunaaruteqarput.

Ilimanami KGH-p illutigisimasai marluk eqqissisimatitassanngorsimasut ukiut pingasut nutarterneqareerlutik danskit aningaasaateqarfiannit Realdaniamit naammassineqarput.

Ilimanami suliniut Qaasuitsup Kommuniata, World of Greenlandip aamma Realdaniap akornanni suleqatigiilluni suliniutitut piviusunngortinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat