Assi: Real Dania Byg/Jan Knudsen

Ilimanami illutoqqat marluk nutarterlugit naammassineqartut

Ilimanami KGH-p illutigisimasai marluk eqqissisimatitassanngorsimasut ukiut pingasut nutarterneqareerlutik danskit aningaasaateqarfiannit Realdaniamit naammassineqarput. Aviisi Sermitsiaq taama allaaserisaqarpoq.

Realdaniap illut 2014-imi pisiarereerlugit nutarterlugit suliaritippai, illullu nutarterneqartut centeritut, neriniartarfittut pisiniartarfittullu atorneqassapput.

Ilimanami illut taakkua marluk pisoqaanersaapput, tassa 1751-imi aqutsisuusimasup, Poul Egedep aappaa illorisimavaa pisiniarfillu 1778-imeersuulluni.

Realdaniap illutoqqanik iluarsaassinera ilutigalugu suliniummi suleqatigai Qaasuitsup Kommunia World of Greenlandilu taakkua Ilimanami takornariaqarnikkut suliniuteqartuupput.

Takornarianut illuaqqat 15-t World of Greenlandimit pilersinneqarput kommunillu ilaatigut talittarfik eqqakkanullu aqqusiorneq pitsanngorsaavigisimavai.

- Kissaatigaarput suleqatigiinnikkut tamatumuuna misilittakkat suniliutitut takussutissatut atorneqarsinnaasut, tassanngaanniit ilikkagassat, ilisimasat isumassarsiornerlu pissarsiarineqarsinnaallutik, siunissami Kalaalllit Nunaata kulturikkut kingornussaasa nalissaqanngitsut attatiinnarnissaannut,  Realdaniami pisortaaneq Peter Cederfeld Sermitsiamut oqarpoq.

Illut oqaluttuassartalissut juunip 15-ani atoqqaarfissiorneqassapput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat