Ilimagineqartutut I-69-ermiut pissartanngorput
Bronzennattuupput Disko 76-miut, FC Malamuk 3-2-mik ajugaaffigalugu normu 3-nngorlutik.
Pissartanngorniunnerit naammassineqarmata ukiormanna arsaattartoqatigiit ilisaritinneqarput, tassaallutik:
Rasmine Berthelsen NÛK-meersoq måliniittuuvoq, forsvariullutik Bebiane Johnsen, I-69, Andrea Andreasen, NÛK, Maannguaq Kristiansen, I-69 aamma Laila Brandt Disko 76-imeersoq. Midtbanemiipput Aili Paneeraq Pedersen, NÛK, Berthe Uppernanngitoq, I-69, Laila Platou, NÛK aamma Karo Dahl Disko 76-imeersoq. Angriberiuppullu Arnaq B. Egede, NÛK aamma Panu B. Grønvold FC Malamummeersoq.
Laila Platou pissartanngorniuttoqarnerani maluginiarneqarnerpaavoq, taannalu ajugaaniutivittoqareermat pissartanngorniunnermi arsallaqqinnerpaatut teknikkigissaarnerpaatulu toqqarneqarpoq. Ukiormanna ilungersullaqqinnerpaatut Karo Dahl D-76-imeersoq toqqarneqarpoq.